Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 396 Hüküm no: 539 Orijinal metin no: [46b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalyoncu Mehmed’in alacağı kaldığı iddiasıyla Terzi Tekor’a açtığı davayı ispat edemediği Ma‘rûz Kalyoncu tâifesinden Mehmed b. Ömer nâm kimesne medîne-i Üsküdar’da mahfil-i bâbda meclis-i şer‘-i hatîrde Terzi Tekor v. Gaspar nâm zimmî muvâcehesinde târih-i i‘lâmdan dokuz ay mukaddem merkūm Tekor zimmî yedine teslîm eylediğim muşamma‘ derûnuna vaz‘ için on aded İslâmbol zer-i mahbûbu ve yirmi aded İslâmbol nısfıyesinin sekiz aded zer-i mahbûbu ile on dokuz aded nısfıyesini bana teslîm edip iki zer-i mahbûb ve bir nısfıye yedinde kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyândan ızhâr-ı acz birle bi’t-taleb merkūm Tekor zimmî gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda merkūm Tekor zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî-selhi Ca sene 1205