Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 397 Hüküm no: 540 Orijinal metin no: [46b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Hüseyin sattığı beygir bedelinden kalan alacağını ödemesi için açtığı davayı ispat edemediği Ma‘rûz Medîne-i Üsküdar’da Selami mahallesinde sâkin es-Seyyid Hüseyin b. Hasan medîne-i mezbûrede mahfil-i bâbda meclis-i şer‘-i hatîrde Hamza b. Mehmed nâm Kıbtî mahzarında târih-i i‘lâmdan üç sene mukaddem merkūm Hamza’nın babası merkūm Mehmed yedimden iştirâ ve kabz eylediği bir re’s bârgir semeninden on beş guruş hakkımın beş guruşunu merkūm Mehmed yedinden ahz ü kabz ve bâkī on guruşu kable’l-edâ mezbûr Mehmed hâlik olup verâseti ancak oğlu mezbûr Hamza’ya münhasıra ve terekesine vaz‘-ı yed etmekle meblağ-ı bâkī-i merkūm on guruşu mezbûr Hamza’dan taleb ederim deyü da‘vâ ol dahi cevâbında babası mezbûr Mehmed’in ol-mikdâr deyni olduğunu ve tereke-i hâlik-i merkūma vaz‘-ı yedini inkâr etmeğin müdde‘î-i mezbûr ber-vech-i muharrer müdde‘âsını beyân ve isbâta kādir olamayıp talebiyle mezbûr Hamza gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr Hamza’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 13 min-C sene 1205