Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 405 Hüküm no: 555 Orijinal metin no: [48a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuzguncuk karyesinde bağ odasında boğularak öldürülen ismi meçhul şahsın muayenesinin yapılıp defnine izin verildiği Ma‘rûz Vârid olan fermân-ı âlîlerine imtisâlen kıbel-i şer‘-i şerîfden meb‘ûs Hafız Mehmed Efendi dâ‘îleri ve izzetlü bostancıbaşı ağa tarafından müte‘ayyin çukadâr ( ) ve sâir mazbûtü’l-esâmî Müslimîn ile medîne-i Üsküdar’a tâbi‘ Kuzguncuk karyesi hâricinde taş ocağı kurbünde Osman nâm kimesnenin bağ odası derûnunda meyyit bulunan ismi nâ-ma‘lûm Müslimin üzerine varıp bi’l-cümle a‘zâsına nazar eylediklerinde eser-i cerh olmayıp ancak boğazından kuşak ile mahnûk olduğu hâlde vefât eylediğini ba‘de’l-keşf ve’l-mu‘âyene defnine izin birle vâki‘ hâli mezbûr dâ‘îleri mahâllinde ketb ü tahrîr ve ümenâ-i şer‘le meclis-i şer‘a gelip alâ-vukū‘ihî inhâ eylediği çukadâr-ı merkūm iltimâsıyla huzûr-ı âlîlerine i‘lâm olundu. Fî 22 min-C sene 1205