Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 404 Hüküm no: 554 Orijinal metin no: [48a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abraham v. Kazer’in borcunu ödemesi Ma‘rûz Medîne-i Üsküdar’da Sipâhpazarı’nda mütemekkin Terzi Kirkor v. Artin nâm zimmî meclis-i şer‘-i hatîrde Abraham v. Kazer muvâcehesinde merkūm Abraham târih-i i‘lâmdan iki ay mukaddem yedimden istidâne ve kabz ve umûruna sarfla istihlâk eylediği yirmi guruş hakkımın yetmiş parasını ahz ve on sekiz guruş bir rub‘ zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm on sekiz guruş bir rub‘un edâsıyla merkūm Abraham zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 13 min-C sene 1205