Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 406 Hüküm no: 559 Orijinal metin no: [48a-9] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Artin v. Toros’un pirinç bedelinden borcunu ödemesi Ma‘rûz Mahmiye-i İslâmbol’da Yemiş İskelesi’nde sâkin es-Seyyid Hüseyin b. Mehmed medîne-i Üsküdar’da meclis-i şer‘-i hatîrde Artin v. Toros zimmî muvâcehesinde merkūm Artin zimmî bundan akdem bi’d-defa‘ât yedimden iştirâ ve kabz eylediği vezn ve fiyâtı beynimizde ma‘lûm pirinç semeninden on üç buçuk guruş bir rub‘ hakkımın üç buçuk guruşunu yedinden ahz ve istifâ ve on guruş bir rub‘u zimmetinde bâkī kalmağla hâlâ taleb ederim deyü da‘vâ ol dahi cevâbında müdde‘î-i mezbûrdan ol-mikdâr pirinç iştirâsını ikrâr lâkin kabzını mu‘terif olduğu üç buçuk guruşdan mâ‘adâ on guruş bir rub‘ dahi edâ etmiş idim deyü eylediği def‘ini beyâna kādir olamayıp tahlîfe dahi tâlib olmamağla mûcebiyle meblağ-ı bâkī-i merkūm on guruş bir rub‘un edâsıyla merkūm Artin zimmî ilzâm olunduğu bi’l-iltimâs huzûr-ı âlîlerine i‘lâm olundu. Fî 24 min-C sene 1205