Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 407 Hüküm no: 560 Orijinal metin no: [48b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail’in borcunu ödemesi Ma‘rûz; Medîne-i Üsküdar’da kolluk kurbünde manav tâifesinden Mehmed Beşe b. Mehmed nâm kimesne medîne-i mezbûrede mahfil-i bâbda meclis-i şer‘-i hatîrde es-Seyyid İsmail b. el-Hâc Mustafa nâm kimesne mahzarında gāib ani’l-meclis Manav Bekir nâm kimesne zimmetinde deyn-i şer‘îden yüz guruş alacak hakkım olup ve mezbûr Manav Bekir’in dahi mezbûr es-Seyyid İsmail zimmetinde deyn-i şer‘îden elli guruş alacağı olmağla mezbûr Bekir zimmetinde hakkım olan meblağ-ı merkūm yüz guruşun elli guruşu ile mezbûr es-Seyyid İsmail üzerine havâle-i mukayyede ile havâle ve her birimiz havâleyi kabûl etmemizle meblağ-ı merkūm elli guruşu havâle-i şer‘iyeye binâen mezbûr es-Seyyid İsmail’den taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm elli guruşu müdde‘î-i mezbûr Mehmed Beşe’ye edâsıyla mezbûr es-Seyyid İsmail şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 26 min-C sene 1205