Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 408 Hüküm no: 563 Orijinal metin no: [48b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tütüncü Mehmed’in Mehmed b. Mustafa’daki alacağı konusunda sulh olduğu Ma‘rûz; Medîne-i Üsküdar’da Davudpaşa mahallesinde sâkin Duhânî Mehmed b. Hüseyin nâm kimesne meclis-i şer‘-i hatîrde diğer Mehmed b. Mustafa mahzarında mezbûr diğer Mehmed bundan akdem yedimden iştirâ ve kabz eylediği vezn ve fiyâtı beynimizde ma‘lûm ve duhân semeninden ba‘de-külli’l-hesâb yirmi dokuz guruş hakkımın beş guruşunu yedinden ahz ü kabz ve yirmi dört guruş zimmetinde hakkım bâkī kalmağla teleb ederim deyü eylediği da‘vâsından bâ-tavassut-ı muslihîn on beş guruş bedel-i makbûza mezbûr diğer Mehmed ile sulh olup ziyâde müdde‘âsı olan dokuz guruşa ve bi’l-cümle husûs-ı mezkûra müte‘allika âmme-i de‘âvîden mezbûr diğer Mehmed’in zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 15 min-C sene 1205