Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 407 Hüküm no: 562 Orijinal metin no: [48b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dilhayat Hanım’ın Marim Nasraniye hakkındaki hırsızlık davasını ispatlayamadığı Ma‘rûz; Medîne-i Üsküdar’da Mehmedpaşa mahallesinde sâkine mu‘arrefetü’z-zât Dilhayati bt. Abdullah nâm hatun medîne-i mezbûrede mahfil-i bâbda meclis-i şer‘-i hatîrde şahsı mu‘arrefe Maryem bt. Nikagos nâm Nasrâniye muvâcehesinde târih-i i‘lâmdan bir ay mukaddem merkūme Maryem Nasrâniye menzilime gelip mukaffel dolabımı şikest ve eşyâ-i memlûkemden cem‘an kıymetleri altı yüz otuz sekiz guruşa bâliğ beheri yedişer guruşluk altmış aded büyük altunu ve bir fıstıkī şal ve bir cedîd gömlek ve bir çevre ve bir üstlük ve bir içi sandallı çuka cebe ve bir siyâh çuka biniş ve bir çift çizmeyi bi-gayrı hakkın hufyeten ahz etmekle taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre vech-i muharrer üzere müdde‘âsını beyândan izhâr-ı acz edip bi’t-taleb merkūme Maryem Nasrâniye gıbbe’t-tahlîfi’ş-şer‘î mûcebiyle müdde‘iye-i mezbûre Dilhayati hatun husûs-ı merkūmda bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 26 min-C sene 1205