Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 410 Hüküm no: 568 Orijinal metin no: [48b-9] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman b. Halil’in boşadığı eşi ve çocuğunun nafakalarından biriken borcunu ödemesi Ma‘rûz; Medîne-i Üsküdar’da Hacce Hatun mahallesinde sâkine mu‘arrefetü’z-zât Fatıma bt. Osman nâm hatun meclis-i şer‘-i hatîrde zevc-i sâbıkı Osman b. Halil mahzarında mezbûr Osman’ın firâşından hâsıl ve benden mütevellid sadrî sagīr oğlum Hüseyin’in bâ-hüccet-i şer‘iye babası mezbûr üzerine takdîr olunan külle yevm onar akçe nafaka-i mefrûza-i müstedânesinden zimmetinde müctemi‘a olan otuz yedi buçuk guruşu taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm otuz yedi buçuk guruşun edâsıyla mezbûr Osman şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 28 min-C sene 1205