Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 410 Hüküm no: 569 Orijinal metin no: [49a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zenci Selim’in tecil olunan nafaka borcunu ödemesi Ma‘rûz; Medîne-i Üsküdar’da Solak Sinan mahallesinde sâkine mu‘arrefetü’z-zât Azime bt. Abdullah nâm Zenciye meclis-i şer‘-i hatîrde zevc-i sâbıkı Selim b. Abdullah nâm Zenci mahzarında mezbûr Selim’in firâşından hâsıla ve benden mütevellide sadriye sagīre kızım Ümmügülsüm’ün bâ-hüccet-i şer‘iye babası mezbûr üzerine takdîr olunan külle yevm üçer para nafaka-i mefrûza-i müstedânesinden zimmetinde müctemi‘a on altı aylık on üç buçuk guruşu taleb ederim deyü da‘vâ eylediğimde ol dahi ikrâr ve edâsıyla ilzâm olunup lâkin mezbûr Selim meblağ-ı merkūm on üç buçuk guruşu hâlâ edâya iktidârı olmayıp târih-i i‘lâmdan on sekiz gün tamamında edâ etmek üzere bi’t-taleb mezbûr Selim’i te’cil eylediğimde ol dahi ecel-i merkūm hulûlünde meblağ-ı merkūm on üç buçuk guruşu bana edâya ta‘ahhüd eyledi dediğini mezbûr Selim tasdîk edip kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 27 min-C sene 1205