Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 410 Hüküm no: 570 Orijinal metin no: [49a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm Hanım ile Zeynep Hanım’ın aralarındaki küfürleşme davasında sulh oldukları Ma‘rûz; Medîne-i Üsküdar’da Hasanağa mahallesinde sâkine ve zâtı mu‘arrefe Şerife Ümmügülsüm bt. Mehmed Emin nâm hatun meclis-i şer‘-i hatîrde kezâlik mu‘arrefe Zeyneb [bt.] Mustafa Efendi nâm hatun mahzarında mezbûre Zeyneb hatun târih-i i‘lâm günü mahalle-i mezbûrede vâki‘ menzilimde bi-gayrı hakkın elfâz-ı kabîha ile bana bi’l-muvâcehe şetm ve ırzımı hetk etmekle mûcib-i şer‘îsini taleb ederim deyü da‘vâ ve mezbûre Zeyneb dahi müdde‘iye-i mezbûre için kezâlik elfâz-ı kabîha ile bana şetm etmiş idi deyü da‘vâ ve her biri âharın müdde‘âsını inkâr ve beynlerinde ba‘de-vukū‘ı’l-münâza‘a bâ-tavassut-ı muslihîn her biri da‘vâ-yı mezkûrelerinden meccânen fâriğler olup hakk-ı ta‘zîrlerine müte‘allika âmme-i de‘âvîden her biri âharın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî-gurrei R sene 1205