Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 415 Hüküm no: 578 Orijinal metin no: [49b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Hüseyin’in eşine iyi davranıp geçimini sağlaması konusunda kefalete bağlandığı Ma‘rûz; Medîne-i Üsküdar’da Kazasker mahallesinde sâkine ve zâtı mu‘arrefe Münevvere bt. Mehmed nâm hatun medîne-i mezbûrede mahfil-i bâbda meclis-i şer‘-i hatîrde hâlâ zevci es-Seyyid Hüseyin b. Hasan nâm kimesne mahzarında mezbûr es-Seyyid Hüseyin zevcim olup beni infâkdan imtinâ‘ eylediğinden mâ‘adâ bi-gayrı hakkın beni darb etmekle mûcib-i şer‘îsini taleb ederim deyü da‘vâ ve mezbûr es-Seyyid Hüseyin inkâr edip beynlerinde münâza‘ât-ı kesîre vâkı‘a olmuş idi el-hâletü hâzihî mezbûr es-Seyyid Hüseyin fî-mâ ba‘d zevcesi mezbûre Münevvere Hatun’u infâk ve iksâ edip ve bi-gayrı hakkın darb etmemek üzere ta‘ahhüd ve hâzır-ı bi’l-meclis Mehmed b. el-Hâc Mustafa nâm kimesne dahi mezbûr es-Seyyid Hüseyin hilâf-ı ta‘ahhüd hareket etmemek üzere kefîl olup bu vechile beynleri ıslâh olunduğu bi’l-iltimâs huzûr-ı âlîlerine i‘lâm olundu. Fî 21 min-Ca sene 1205