Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 422 Hüküm no: 594 Orijinal metin no: [50b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Derviş Ali b. Halil’in boşadığı eşine olan borcunu ödemesi Ma‘rûz; Medîne-i Üsküdar’da Reis mahallesinde sâkine mu‘arrefetü’z-zât Rukiye bt. Mustafa nâm hatun medîne-i mezbûrede mahfil-i bâbda meclis-i şer‘-i hatîrde zevc-i mutallıkı Derviş Ali b. Halil mahzarında mezbûr Derviş Ali on guruş mehr-i müeccel tesmiyesiyle zevc-i dâhilim olup târih-i i‘lâmdan bir gün mukaddem beni tatlîk etmekle mehr-i müeccel-i mezkûrem olan on guruş ile nafaka-i iddet-i ma‘lûmem içün dahi bi’t-terâzî ta‘yîn olunan üç guruş ki cem‘an on üç guruş hakkımı taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm on üç guruşun edâsıyla mezbûr Derviş Ali şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 3 min-C sene 1205