Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 424 Hüküm no: 597 Orijinal metin no: [51a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud b. Ahmed’in satın alıp parasının tamamını ödeyemediği atı sahibine iade ettiği Ma‘rûz; Medîne-i Üsküdar’da Atpazarı hâricinde sâkin Canbaz Mehmed b. Ahmed meclis-i şer‘-i hatîrde Mahmud b. Ahmed mahzarında mezbûr Mahmud bundan akdem yedimden iştirâ ve kabz eylediği bir re’s doru bârgir semeninden kırk üç guruş hakkımı taleb ederim deyü da‘vâ ve mezbûr Mahmud cevâbında fi’l-hakīka müdde‘î-i mezbûrdan semen-i merkūma bârgir iştirâ eylediğini ikrâr lâkin semen-i merkūmun on guruşunu yedine teslîm, bâkī otuz üç guruşu sene-i mezbûre Martı duhûlüne değin edâ etmek üzere beni tecîl etmiş idi deyü ba‘de’d-def‘ ve’l-inkâr dâfi‘-i mezbûr Mahmud def‘-i mezkûrunu beyân edemeyip bi’t-taleb müdde‘î-i mezbûr tahlîf-i şer‘î olundukdan sonra mezbûr Mahmud bârgir-i merkūmu bi’r-rızâ müdde‘î-i mezbûra teslîm eylediği bi’l-iltimâs huzûr-ı âlîlerine i‘lâm olundu. Fî 14 min-C sene 1205