Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 429 Hüküm no: 608 Orijinal metin no: [51b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tellak Osman ile Halil b. Hasan’ın aralarındaki alacak verecek davasında sulh oldukları Ma‘rûz; Medîne-i Üsküdar’da Toptaşı Hamamı’nda Dellâk sagīr Osman’ın li-ebeveyn er karındaşı ve velîsi Süleyman b. İbrahim nâm kimesne mahfil-i bâbda meclis-i şer‘-i hatîrde Halil b. Hasan mahzarında karındaşım sagīr-i mezbûru târih-i i‘lâmdan bir sene mukaddem medîne-i mezbûrede Ağa Hamamı’nda dekkaklık [dellâklık] ta‘lîm etmek içün teslîm eylediğimde ol dahi ta‘lîm eyledim deyü on üç guruşunu ahz etmekle bi’l-velâye istirdâd ederim deyü eylediği da‘vâsından nef‘an-li’s-sagīr bâ-tavassut-ı muslihîn dört guruş bedel-i makbûza mezbûr Halil ile sulh olup ziyâde müdde‘âsına müte‘allika âmme-i de‘âvîden mezbûr Halil’in zimmetini ibrâ ve ıskāt ol dahi ibrâsını kabûl ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 29 min-B sene 1205