Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 428 Hüküm no: 607 Orijinal metin no: [51b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Mehmed’in borcunu ödemesi Ma‘rûz; Medîne-i Üsküdar’da kolluk kurbünde mütemekkin bakkāl tâifesinden Yuvan v. Vasil nâm zimmî meclis-i şer‘-i hatîrde Ali b. Mehmed nâm kimesne mahzarında mezbûr Ali târih-i i‘lâmdan dört sene mukaddem vezn ve fiyâtı beynimizde ma‘lûm ecnâs-ı zehâ’ir semeninden zimmetinde yirmi yedi guruş hakkım olmağla taleb ederim deyü da‘vâ ve mezbûr Ali cevâbında müdde‘î-i merkūma cihet-i mezkûreden ancak yirmi guruş deyni olduğunu ikrâr, ziyâde müdde‘âsını inkâr etmeğin müdde‘î-i merkūm ber-vech-i muharrer ziyâde müdde‘âsını beyâna kādir olmayıp bi’t-taleb gıbbe’t-tahlîfi’ş-şer‘î mûcebiyle mertebe-i ikrârı olan yirmi guruşun edâsıyla merkūm Ali şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 16 min-B sene 1205