Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 436 Hüküm no: 623 Orijinal metin no: [53a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Salih Ağa’nın borcunu ödemesi Ma‘rûz; Medîne-i Üsküdar’da Yeniçeşme’de sâkin Sebzevâtcı Ali b. Halil nâm kimesne mahfil-i bâbda meclis-i şer‘-i hatîrde Salih Ağa b. Feyzullah mahzarında mezbûr Salih Ağa’nın gāib ani’l-meclis Süleyman b. Selim nâm kimesneye sebzevât semeninden deyni olan yirmi guruşu ben mezbûr Salih Ağa’nın bi-şarti’r-rücû‘ emriyle gāib-i mezbûr[a] ba‘de’l-edâ meblağ-ı mezkûru mezbûr Salih Ağa’dan bi’l-mürâca‘a taleb ederim deyü eylediğim da‘vâmdan bâ-tavassut-ı muslihîn an-inkârin ben mezbûr Salih Ağa ile on altı guruş üzerine sulh ol dahi sulh-ı mezkûru kabûl etmekle bedel-i sulh-ı mezkûr on altı guruşu taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihi meblağ-ı mezbûr on altı guruşun edâsıyla mezbûr Salih Ağa ilzâm olunduğu bi’l-iltimâs huzûr-ı âlîlerine i‘lâm olundu. Fî 29 min-Receb sene 1205