Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 435 Hüküm no: 622 Orijinal metin no: [52b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkçılar Kethudası Vekili Mustafa’nın Mehmed Arif’den kefaletinden dolayı para istemesinin hukuksuz olduğu Ma‘rûz; Mahrûse-i Galata muzâfâtından Beşiktaş İskelesi’nin Kayıkcılar Kethudâsı Vekîli Mustafa b. Ahmed nâm kimesne medîne-i Üsküdar Mahkemesi’nde meclis-i şer‘-i hatîrde Mehmed Ârif b. Osman nâm kimesne mahzarında işbu sene-i mübârekede donanma-yı hümâyûn içün kasaba-i mezbûre iskelesinin kayıkcı tâifesinden kalyoncu matlûb buyurulmağla gāib ani’l-meclis Saka Mehmed nâm kimesneyi târih-i i‘lâmdan bir ay mukaddem donama-yı hümâyûn sefâinine kalyoncu olmak üzere nefer tahrîr ve ber-vech-i peşîn altmış üç guruş teslîm etmemle mezbûr Saka Mehmed’in nefsine mezbûr Mustafa [Mehmed] kefîl olup ba‘dehû mezbûr Saka Mehmed firâr ve mekânı dahi ma‘lûm olmayıp gāib-i mezbûru bulup bana teslim eylesin deyü takrîr-i meşrûhu üzere tasaddî eylediği da‘vâsı mesmû‘a olmadığı bi’l-iltimâs huzûr-ı âlîlerine i‘lâm olundu. Fî 6 min-Ş sene 1205