Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 437 Hüküm no: 625 Orijinal metin no: [53a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil b. Halil’in Mehmed b. Süleyman’dan alacaklı olduğu yolundaki iddiasını ispatlayamadığı Ma‘rûz; Mahmiye-i İslâmbol’da Hasırcılar içinde sâkin Halil b. Halil medîne-i Üsküdar’da mahfil-i bâbda meclis-i şer‘-i hatîrde Mehmed b. Süleyman mahzarında mezbûr Mehmed târih-i i‘lâmdan bir sene mukaddem yedimden iştirâ ve kabz eylediği kıyye ve fiyâtı beynimizde ma‘lûm toz şeker semeninden sekiz buçuk [guruş] hakkımı taleb ederim deyü da‘vâ, mezbûr Mehmed cevâbında cihet-i mezkûreden ol-mikdâr deyni olduğunu ikrâr lâkin tamamen yedine teslîm etmiş idim deyü ba‘de’d-def‘ ve’l-inkâr dâfi‘-i merkūm def‘-i mezkûrunu beyân edemeyip bi’t-taleb mezbûr Halil’e yemîn teklif olundukda yemînden nükûl etmeğin mûcebiyle müdde‘î-i mezbûr husûs-ı mezkûrda mezbûr Mehmed’e bî-vech-i şer‘î mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 15 min-C sene 1205