Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 438 Hüküm no: 629 Orijinal metin no: [53a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstemati v. Dimo’nun Zafiri v. Yorgi tarafından terzi makası ile yaralandığının tespit olunduğu Ma‘rûz; Medîne-i Üsküdar’da Ayazma mahallesinde vâki‘ enfiye kârhânesinde mütemekkin İstemati v. Dimo nâm zimmî medîne-i mezbûrede meclis-i şer‘-i hatîrde târih-i i‘lâmdan bir gün mukaddem medîne-i mezbûrede Yenimahalle’de vâki‘ Çeribaşı Dükkānı demekle meşhûr bakkāl dükkânı önünde tarîk-ı âmda kable’l-işâ hâzır bi’l-meclis Zafiri v. Yorgi nâm zimmî âlât-ı cârihadan terzi mikrâsı ile bi-gayrı hakkın amden sol memem üzerinden darb ve cerh etmekle kıbel-i şer‘den keşf ve mu‘âyene olunmak matlûbumdur dedikde mazbûtü’l-esâmî Müslimîn ile merkūm İstemati zimmînin a‘zâsına nazar eylediklerinde fi’l-hakīka merkūm İstemati zimmî sol memesi üzerinden mecrûh olduğu ba‘de’l-keşf ve’l-mu‘âyene vâki‘ hâl bi’l-iltimâs huzûr-ı âlîlerine i‘lâm olundu. Fî 6 min-Ş sene 1205