Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 439 Hüküm no: 632 Orijinal metin no: [53b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hanım’ın İsmail b. Mustafa’ya olan borcunu ödemesi Ma‘rûz; Medîne-i Üsküdar’da Solaksinan mahallesinde sâkin İsmail b. Mustafa medîne-i mezbûrede mahfil-i bâbda meclis-i şer‘-i hatîrde zâtı mu‘arrefe Hadice bt. Ahmed nâm hatun mahzarında mezbûre Hadice târih-i i‘lâmdan dokuz ay mukaddem yedimden beheri dokuzar guruşa olmak üzere iştirâ ve kabz eylediği iki aded kurban koyunu semeninden on sekiz guruş hakkımın altı buçuk guruşunu yedinden ahz ü kabz edip on bir buçuk guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī‘-i merkūm on bir buçuk guruşun edâsıyla mezbûre Hadice şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 17 min-Ş sene 1205