Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 446 Hüküm no: 646 Orijinal metin no: [54a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman b. Osman’ın borcunu ödemesi Ma‘rûz; Medîne-i Üsküdar’da Aşcıbaşı mahallesinde Akyapı nâm mahâlde sâkin Ali b. Hüseyin nâm kimesne medîne-i mezbûrede mahfil-i bâbda meclis-i şer‘-i hatîrde Süleyman b. Osman mahzarında mezbûr Süleyman târih-i i‘lâmdan dokuz ay mukaddem yedimden istidâne ve kabz ve umûruna sarfla istihlâk eylediği dört yüz guruş hakkımın iki yüz elli guruşunu yedinden ahz ü istifâ edip yüz elli guruşu zimmetinde bâkī kalmağla taleb ederim deyü da‘vâ ve mezbûr Süleyman cevâbında fi’l-hakīka müdde‘î-i mezbûra cihet-i mezkûreden dört yüz guruş deyni olduğunu ikrâr ve müdde‘î-i mezbûrun kabzını mu‘terif olduğu iki yüz elli guruşdan mâ‘adâ yüz elli guruşunu dahi def‘aten edâ ve teslîm etmiş idim deyü ba‘de’d-def‘ ve’l-inkâr dâfi‘-i mezkûr def‘-i mezkûrunu beyândan izhâr-ı acz edip talebiyle müdde‘î-i mezbûr Ali gıbbe’t-tahlîfi’ş-şer‘î mûcebiyle meblağ-ı bâkī-i merkūm elli guruşu müdde‘î-i mezbûra edâ ve teslîme mezbûr Süleyman’a şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 7 min-N sene 1205