Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 447 Hüküm no: 648 Orijinal metin no: [54b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdürrezzak b. Ahmed’in Artin v. Lemkon’dan para istemesinin kanunsuz olduğu Ma‘rûz; Medîne-i Üsküdar’da Debbâğlar mahallesinde sâkin Abdürrezzak b. Ahmed nâm kimesne meclis-i şer‘-i hatîrde Artin v. Melkon nâm zimmî muvâcehesinde merkūm Artin zimmî târih-i i‘lâmdan üç ay mukaddem medîne-i mezbûrede Çavuşderesi nâm mahâlde arabam derûnunda mevcûd yirmi guruş kıymetli kömürümü mahâll-i mezkûrda bezzâz kimesneler yağma edip merkūm Artin zimmî yanında bulunduğuna binâen meblağ-ı merkūm yirmi guruşu merkūm Artin zimmîden taleb ederim deyü takrîri üzere tasaddî eylediği da‘vâsına iltifât olunmadığı bi’l-iltimâs huzûr-ı âlîlerine i‘lâm olundu. Fî 18 min-Ş sene 1205