Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 451 Hüküm no: 655 Orijinal metin no: [55a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hanım’ın Fatma ve Ayşe isimli Kıbtiyelerin evinden para ve kıymetli eşyalarını çaldıkları yolundaki iddiasını ispatlayamadığı Ma‘rûz; Mahrûse-i Galata’da Yolcuzâde mahallesinde sâkine, zâtı vech-i şer‘î üzere mu‘arrefe olan sâhibe-i arzuhâl Emine bt. el-Hâc Ali nâm hatun medîne-i Üsküdar’da mahfil-i bâbda meclis-i şer‘-i hatîrde derûn-ı arzuhâlde isimleri mezkûre kezâlik şahısları mu‘arrefe Âişe bt. İsmail [ve Fatıma] nâmân Kıbtiyeler muvâcehelerinde mezbûretân Âişe ve Fatıma târih-i i‘lâmdan on beş gün mukaddem mahalle-i mezbûrede menzilime bi-gayrı hakkın duhûl ve sepet sandığım derûnunda mevcûde mecmû‘-ı kıymetleri dört yüz yetmiş beş guruşa bâliğ emlâkimden bir çift altun kuşak ve bir elmaslı gerdâniye ve bir çift altun bilezik ve bir çift elmaslı küpe ve iki altun yüzük ve elli aded zer-i mahbûb-ı İslâmbolî altunumu hufyeten ahz etmeleriyle taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını beyân içün ba‘de’l-istimhâl ve’l-imhâl müddet-i mehl-i şer‘î tamamında isbâta kādire olamayıp tahlîfe dahi tâlibe olmamağla müdde‘iye-i mezbûre husûs-ı mezkûrda mezbûretân Âişe ve Fatıma’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 21 min-N sene 1205