Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 458 Hüküm no: 668 Orijinal metin no: [56a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman b. Hasan’ın eski karısı Hamide Hatun’dan para talebinde bulunmasının uygunsuz olduğu Ma‘rûz; Medîne-i Üsküdar’da Mehmedpaşa mahallesinde sâkin Osman b. Hasan nâm kimesne medîne-i mezbûrede mahfil-i bâbda meclis-i şer‘-i hatîrde zevce-i mutallakası mu‘arrefetü’z-zât Hamide bt. Osman nâm hatun mahzarında târih-i i‘lâmdan üç ay mukaddem mu‘âmele-i zevciyet beynimizde kāim iken âhar zevci firâşından hâsıla ve mezbûre Hamide Hatun’dan mütevellide olup bundan akdem vefât eden kızı sagīre Esma’nın techîz ve tekfîn ve sâir levâzımına bilâ-emr harc ü sarf eylediğim on beş guruşu mezbûre Hamide Hatun’dan taleb ederim deyü takrîr-i meşrûhu üzere tasaddî eylediği da‘vâsına iltifât olunmadığı bi’l-iltimâs huzûr-ı âlîlerine i‘lâm olundu. Fî 4 min-Şevvâl sene 1205