Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 461 Hüküm no: 674 Orijinal metin no: [56a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamal Hüseyin’in Kayıkçılar Kethudası Osman Ağa’ya olan borcundan kalan miktarını kefaletinden dolayı İbrahim b. Mustafa’nın ödemesi Ma‘rûz; Medîne-i Üsküdar İskelesi’nde kayıkcılar tâifesinin Kethudâsı Osman Ağa b. Nebi nâm kimesne medîne-i mezbûrede mahfil-i bâbda meclis-i şer‘-i hatîrde İbrahim b. Mustafa nâm kimesne mahzarında gāib ani’l-meclis Hammâl Hüseyin nâm kimesne zimmetinde cihet-i karz-ı şer‘îden altmış üç guruş hakkımın edâsına bi’l-emr ve’l-kabûl mezbûr İbrahim kefîl ve dâmin oldukdan sonra kefîl-i merkūm İbrahim’den meblağ-ı merkūm altmış üç guruşun otuz guruşunu ahz, bâkī otuz üç guruşu hâlâ kefâletine binâen taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī‘-i merkūm otuz üç guruşu bi-hükmi’l-kefâle edâsıyla mezbûr İbrahim şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 8 min-L sene 1205 < >