Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 460 Hüküm no: 673 Orijinal metin no: [56a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Yani v. Yorgi’nin Tanaş v. Apostol’a olan borçlarına kefil olan şahısların ödediği parayı kendilerine ödemesi Ma‘rûz Medîne-i Üsküdar’da bakkāl tâifesinden Yorgi v. Yani ve Yani v. Andon nâm zimmîler asâleten ve Nikola v. Aleksi nâm zimmî kendi nefsinden asâleten ve diğer Yorgi v. Hıristo zimmî tarafından ber-vech-i âtî vekîl olduğu Hafız es-Seyyid Mustafa Efendi b. Mehmed ve es-Seyyid Mehmed b. Mehmed nâm kimesneler şehâdetleriyle sâbit olmağla vekâleten meclis-i şer‘-i hatîrde Bakkāl Yani v. Yorgi nâm zimmî muvâcehesinde merkūm Yani zimmînin gāib ani’l-meclis Tanaş v. Apostol zimmîye deyn-i şer‘îden bâ-temessük kırk sekiz bin akçe deynine biz bi’l-emr ve’l-kabûl kefîl ve dâmin oldukdan sonra deyn-i mezkûrun otuz üç bin akçesini medyûn-ı merkūm Yani zimmî gāib-i merkūma edâ ve teslîm edip bâkī kalan on beş bin akçesini biz kefâletimize binâen gāib-i merkūma edâ ve teslîm edip hâlâ medfû‘umuz olan meblağ-ı merkūm on beş bin akçeyi medyûn-ı merkūm Yani zimmîden bi’l-mürâca‘a taleb ederiz deyü her biri asâleten ve vekâleten ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm on beş bin akçeyi merkūmûn Yorgi ve Yani ve Nikola ve diğer Yorgi’ye edâ ve teslîmiyle merkūm Yani zimmî ilzâm olunduğu bi’l-iltimâs huzûr-ı âlîlerine i‘lâm olundu. Fî 7 min-Şevvâl sene 1205