Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 461 Hüküm no: 676 Orijinal metin no: [56b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yuda v. Yasef’in kirada bulunduğu evi boşaltması Ma‘rûz; Medîne-i Üsküdar’a tâbi‘ Kuzguncuk karyesinde mütemekkin Ruben v. Menahim nâm Yahûdî medîne-i mezbûrede meclis-i şer‘-i hatîrde karye-i mezbûrede vâki‘ ma‘lûmü’l-hudûd bir bâb menzilinde müşâhereten müsteciri Yuda v. Yasef nâm Yahûdî muvâcehesinde merkūm Yuda Yahûdî beher şehr beşer guruş ve kırkar akçe ücret ile menzil-i mezkûrda müstecirim olup işbu târih-i i‘lâm şehri gāyetinde fesh-i akd-i icâre ile menzil-i mezkûru tahliye ve bana teslîme kıbel-i şer‘den merkūm Yuda Yahûdîye tenbîh olunmak matlûbumdur deyü ba‘de’d-da‘vâ ve’l-istintâk ve’l-ikrâr mûcebiyle gāyet-i şehr-i mezkûrda menzil-i mezkûru tahliye ve müdde‘î-i merkūma teslîme merkūm Yuda Yahûdî’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 12 min-L sene 1205