Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 462 Hüküm no: 677 Orijinal metin no: [56b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Mehmed’in kira bedelinden dolayı karısı Emetullah’a olan borcunu ödemesi Ma‘rûz; Medîne-i Üsküdar’da Reis mahallesinde sâkine ve zâtı mu‘arrefe Emetullah bt. Hasan nâm hatun mahfil-i bâbda meclis-i şer‘-i hatîrde hâlâ zevci Mehmed b. Mehmed mahzarında zevcim mezbûr Mehmed târih-i i‘lâmdan yirmi bir sene mukaddem medîne-i mezbûreye tâbi‘ İstavros karyesi toprağında Debbâğlar ayazmasında vâki‘ ma‘lûmü’l-hudûd bir kıt‘a kürûmu mülk bağ bundan akdem vefât eden vâlidem Zeyneb bt. Abdullah nâm hatundan müntakil müstakıllen yedimde mülk-i mevrûsum olup lâkin zevcim mezbûr vâlidemin hayatında bağ-ı mezkûru târih-i mezbûrda beher şehr yirmişer guruş ücret ile istîcâr edip sinîn-i mezkûrede müctemi‘a olan dört yüz yirmi guruşun altmış guruşunu yedinden ahz, bâkī üç yüz altmış guruşu bi’l-verâse taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm üç yüz altmış guruşun edâsıyla mezbûr Mehmed ilzâm olunduğu bi’l-iltimâs huzûr-ı âlîlerine i‘lâm olundu. Fî 16 min-Şevvâl sene 1205