Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 432 Hüküm no: 450 Orijinal metin no: [103b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Beytülmâl emini es-Seyyid Mustafa Ağa’nın Mehmed b. Ahmed üzerine açtığı diyet davasını ispat edemediği Ma‘rûz İstanbul’da bi’l-fi‘il beytülmâl-ı âmme ve hâssa emîni olan es-Seyyid Mustafa Ağa meclis-i şer‘de on beş aydan berü sicn-i sultânîde mahbûs olup Mumcu Ebûbekir Beşe mübâşeretiyle Mahkeme-i Bâb’a ihzâr olunan Mehmed b. Abdullah nâm kimesne mahzarında mezbûr Mehmed bundan akdem vefât eden Hüseyin nâm kimesnenin sağ kaburgası altından bıçak ile darb ve cerh eylediğine binâen mahbûs olup lâkin mezbûr Hüseyin’in kat‘â vâris ve vârisesi olmamağa dem ü diyeti cânib-i beytülmâle âid olup mezbûr Mehmed dahi müteveffâ-i mezbûr Hüseyin’in cerh-i mezbûrdan müteessiren vefât eylediğini inkâr etmekle ben dahi bi’l-emâne müdde‘âmı isbâta kādir olmadığım ecilden da‘vâ-yı mezbûremden bi’l-emâne fâriğ oldum dedikde tescîl ve mübâşir-i mezbûr iltimâsıyla huzûr-ı âlîlerine i‘lâm olundu. Fî 26 Safer sene [1]143.