Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 432 Hüküm no: 451 Orijinal metin no: [103b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Efendi ile Mustafa Beşe’nin aralarındaki alacak davasında sulh oldukları Ma‘rûz Kapıkethüdâsı İbrahim Beşe mübâşeretiyle Mahkeme-i Bâb’a ihzâr olunan Mustafa Beşe’nin hasmı İsmail Efendi meclis-i şer‘de mezbûr Mustafa Beşe muvâcehesinde cihet-i karzdan altmış buçuk guruş hakkımın yirmi guruşunu yedinden ba‘de’l-kabz kırk buçuk guruş hakkım zimmetinde bâkī kalmağla meblağ-ı bâkī-i mezbûru taleb ve da‘vâ eylediğimde tavassut-ı muslihûn ile yirmi guruş bedel-i makbûza sulh olup mâ‘adâya ve sâire [104a] müte‘allika âmme-i da‘vâdan her birimiz âharın zimmetini ibrâ ve iskāt edip kat‘-ı nizâ‘ eyledik dedikleri tescîl ve bi’l-iltimâs huzûr-ı âlîlerine i‘lâm olundu. Fî 26 Safer sene [1]143.