Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 485 Hüküm no: 722 Orijinal metin no: [59b-9] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Agob v. Artin’in hırsızlıkla suçladığı İros v. Agob hakkındaki iddiasını ispatlayamadığı Ma‘rûz; Medîne-i Üsküdar’da Demirciler kurbünde ekmekci fırınında mütemekkin Agob v. Aron nâm zimmî medîne-i mezbûrede mahfil-i bâbda meclis-i şer‘-i hatîrde İros v. Agob nâm zimmî muvâcehesinde merkūm İros zimmî târih-i i‘lâmdan üç gün mukaddem fırın-ı mezkûrda mâ‘an mütemekkin olduğumuz odada pîş-tahta derûnunda mevcûd on iki guruşumu ahz etmekle taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını beyândan izhâr-ı acz birle bi’t-taleb merkūm İros zimmî gıbbe’t-tahlîfi’ş-şer‘î mûcebiyle müdde‘î-i merkūm husûs-ı mezkûrda merkūm İros zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 16 min-L sene 1205