Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 491 Hüküm no: 733 Orijinal metin no: [60b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hanım’ın boğularak vefat ettiğinin tespit olunduğu Ma‘rûz; Vârid olan fermân-ı âlîlerine imtisâlen kıbel-i şer‘-i şerîfden meb‘ûs Ali Efendi dâ‘îleri ve izzetlü bostancıbaşı ağa tarafından müte‘ayyin Hüseyin Haseki ve Kulebahçesi ustası ve sâir mazbûtü’l-esâmî Müslimîn ile medîne-i Üsküdar hâricinde vâki‘ mârrü’z-zikr Kulebahçesi kurbünde kâin Kosti nâm zimmînin kârhânesi önünde deryâ kenârında garîkan meyyit bulunan Emine Hatun’un üzerine varıp müteveffât-ı mezbûrenin a‘zâsı ahâli-i karye-i mezbûrede nisâ tâifesine irâe olundukda eser-i cerh ve hankdan bir eser olmayıp ancak garîkan vefât eylediğini mezbûr [ba‘de’l]-keşf ve’l-ihbâr defnine izin birle vâki‘ hâli mezbûr dâ‘îleri mahâllinde ba‘de’t-tahrîr ve’l-inhâ bi’l-iltimâs huzûr-ı âlîlerine i‘lâm olundu. Fî 10 min-Za sene 1205