Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 490 Hüküm no: 732 Orijinal metin no: [60b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid İsmail’in eşine olan borcunu ödediği Ma‘rûz; Medîne-i Üsküdar’da Bulgurlu mahallesinde sâkine mu‘arrefetü’z-zât Âişe bt. Abdullah nâm hatun medîne-i mezbûrede meclis-i şer‘-i hatîrde hâlâ zevci es-Seyyid İsmail b. es-Seyyid İbrahim mahzarında mezbûr es-Seyyid İsmail târih-i i‘lâmdan sekiz ay mukaddem bir çift altun bileziğini rehin vaz‘ıyla yedimden istidâne ve kabz ve umûruna sarfla istihlâk eylediği dört yüz guruş ve kezâlik bilâ-rehn bi’d-defa‘ât yedimden istidâne ve kabz eylediği kırk sekiz guruş ki cem‘an dört yüz kırk sekiz guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı mecmû‘-ı merkūm dört yüz kırk sekiz guruşu ba‘de’l-edâ zikr olunan bileziği rehniyetden fekke mezbûr es-Seyyid İsmail’e şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 13 min-Za sene 1205