Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 491 Hüküm no: 735 Orijinal metin no: [60b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Habibe bt. İbrahim’in boşandığı kocasından mehir ve nafakasını aldığı Ma‘rûz; Medîne-i Üsküdar’da Vâlide-i Atik mahallesinde sâkine mu‘arrefetü’z-zât Habibe bt. İbrahim nâm hatun meclis-i şer‘-i hatîrde zevc-i mutallıkı Osman b. Mehmed mahzarında ben mezbûr Osman’ın elli guruş mehr-i müeccel tesmiyesiyle zevce-i medhûlün-bihâsı iken târih-i kitâbdan on beş gün mukaddem beni tatlîk etmekle zimmetinde mütekarrir ve ma‘kūdun-aleyh olan mârrü’z-zikr elli guruş mehr-i müeccelim ile nafaka-i iddet-i ma‘lûmem ve meûnet-i süknâm içün dahi bi’t-terâzî beynimizde ta‘yîn olunan yirmi guruş ki cem‘an yetmiş guruş hakkımı zevc-i sâbıkım mezbûr Osman yedinden tamamen ahz ü kabz eyledikden sonra hukūk-ı zevciyete müte‘allika âmme-i de‘âvîden her birimiz âharın zimmetini ibrâ ve her birimiz ber-vech-i muharrer âharın ibrâsını kabûl eyledik deyü mukırra-i mezbûre Habibe Hatun’u takrîrinde Sâbıkā zevci Osman tasdîk ve bu vechile kat‘-ı nizâ‘ eyledikleri bi’l-iltimâs huzûr-ı âlîlerine i‘lâm olundu. Fî 12 min-Za sene 1205