Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 492 Hüküm no: 736 Orijinal metin no: [60b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın boşandığı kocasına ait eşyaları iade etmesi Ma‘rûz; Medîne-i Üsküdar’da Kādıasker mahallesinde sâkin es-Seyyid Mehmed b. İbrahim medîne-i mezbûrede mahfil-i bâbda meclis-i şer‘-i hatîrde zevce-i mutallakası mu‘arrefetü’z-zât Âişe bt. Mustafa nâm hatun mahzarında mezbûre Âişe Hatun bundan akdem bana teslîme ta‘ahhüd eylediği eşyâ-i memlûkemden bir tencere ve bir çuka biniş ve bir çuka cebe ve bir kürk ve bir sahan ve bir kat çamaşır ve bir yük memlû şiltem hâlâ yedinde bi-a‘yânihâ mevcûd olmağla taleb ederim deyü ba‘de’d-da‘vâ ve’l-istintâk ve’l-ikrâr alâ-mûcib-i ikrârihâ eşyâ-i muharrere-i mezkûreyi bi-a‘yânihâ müdde‘î-i mezbûra teslîme mezbûre Âişe Hatun ilzâm olunduğu bi’l-iltimâs huzûr-ı âlîlerine i‘lâm olundu. Fî 2 min-Za sene 1205