Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 504 Hüküm no: 761 Orijinal metin no: [62b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zenciye Azize’nin başkalarının evlerine izinsiz girmesinin yasaklandığı Ma‘rûz; Medîne-i Üsküdar’da Kefçe mahallesinde sâkin es-Seyyid Ahmed b. el-Hâc Osman nâm kimesne medîne-i mezbûrede mahfil-i bâbda meclis-i şer‘-i hatîrde mu‘arrefetü’z-zât Azize bt. Abdullah nâm Zenciye muvâcehesinde mezbûre Azize mahalle-i mezbûrede vâki‘ menzilime benim iznimsiz duhûl ve zevcem işbu hâzıratü bi’l-meclis Hadice bt. Süleyman nâm hatunu idlâl ve âhar menzillere götürüp ve beynimizde adem-i hüsn-i zindegânî olmağa bâdî olur harekât-ı nâ-marzıyyeye mübâderet etmekle fî-mâ ba‘d menzil-i mezkûra duhûl etmemek üzere mezbûre Azize’ye tenbîh olunmak murâdımdır dedikde mezbûre Azize dahi mezbûr es-Seyyid Ahmed’in menziline bundan böyle bir dahi ayak basmamak üzere ta‘ahhüd ve bu vechile beynleri ıslâh olunduğu bi’l-iltimâs huzûr-ı âlîlerine i‘lâm olundu. Fî-gurrei Z sene 1205