Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 504 Hüküm no: 760 Orijinal metin no: [62b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Veli’nin Yağcı Mihal olan borcunu ödemesi Ma‘rûz; Medîne-i Üsküdar’da Mehmedpaşa mahallesinde mütemekkin Yağcı Mihal v. İstirati nâm zimmî meclis-i şer‘-i hatîrde Mustafa b. Veli mahzarında mezbûr Mustafa târih-i i‘lâmdan dört sene mukaddem bana keten tohumu getirmek içün mâlımdan seksen guruş yedine teslîm eylediğimde ol dahi ahz ü kabz edip meblağ-ı merkūmdan ancak otuz sekiz guruşluk keten tohumu bana teslîm ve kırk iki guruş zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihi meblağ-ı bâkī-i merkūm kırk iki guruşun edâsıyla mezbûr Mustafa şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 5 min-Z sene 1205