Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 505 Hüküm no: 763 Orijinal metin no: [62b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Abdullah’ın hizmetini gördüğü Mustafa Efendi’nin evinden aldığı eşyaları iade ettiği Ma‘rûz; Mahmiye-i İslâmbol’da Sultan Mehmed Han Câmi‘-i şerîfi kurbünde sâkin es-Seyyid Mustafa Efendi b. Osman medîne-i Üsküdar’da meclis-i şer‘-i hatîrde hizmetkârı Mehmed b. Abdullah mahzarında mezbûr Mehmed hizmetkârım olup bir gün mukaddem emlâkimden işbu mu‘âyene olunan bir cilâlı at rahtı ve dört bârgir haşesi ve bir çuka şalvar ve bir çuka cebe ve bir çuka çakşırımı ahz ve firâr ve medîne-i mezbûreye tâbi‘ Kādı karyesi subaşısı yediyle ahz olunup hâlâ eşyâ-i mezkûrenin a‘yânı yedinde mevcûde olmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle eşyâ-i mezkûreyi meclis-i şer‘de müdde‘î-i mezbûr es-Seyyid Mustafa Efendi’ye teslîm eylediği bi’l-iltimâs huzûr-ı âlîlerine i‘lâm olundu. Fî 4 min-Z sene 1205