Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 507 Hüküm no: 767 Orijinal metin no: [63a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma Hanım’ın boşandığı kocasına ait evi boşaltması Ma‘rûz; Medîne-i Üsküdar’da Vâlide-i Atik mahallesinde sâkin Bostanî Ahmed b. Ahmed nâm kimesne meclis-i şer‘-i hatîrde zevce-i sâbıkāsı mu‘arrefetü’z-zât Fatıma bt. Mehmed nâm hatun mahzarında mezbûre Fatıma bundan akdem zevce-i medhûlün-bihâm olup târih-i i‘lâmdan beş ay mukaddem tatlîk edip iddeti munkaziye olduğundan mâ‘adâ nafaka-i iddet ve meûnet-i süknâsını dahi nakden yedimden ahz ü istifâ etmiş iken mahalle-i mezbûrede vâki‘ ma‘lûmü’l-hudûd bir bâb menzilimde bi-gayrı hakkın fuzûlî sâkine olmağla menzil-i mezkûru tahliye ve bana teslîme tenbîh olunmak matlûbumdur deyü ba‘de’d-da‘vâ ve’l-istintâk ve’l-ikrâr mûcebiyle menzil-i mezkûru tahliye ve müdde‘î-i mezbûra teslîmiyle mezbûre Fatıma ilzâm olunduğu bi’l-iltimâs huzûr-ı âlîlerine i‘lâm olundu. Fî 19 min-Zilka‘de sene 1205