Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 507 Hüküm no: 766 Orijinal metin no: [63a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aktar Molla Osman’a küfreden Seyyid Süleyman’a tazir cezası verilmesi Ma‘rûz; Medîne-i Üsküdar’da Büyükhamam karşısında Attâr Molla Osman b. Mehmed mahfil-i bâbda meclis-i şer‘-i hatîrde es-Seyyid Süleyman b. İbrahim mahzarında mezbûr es-Seyyid Süleyman târih-i i‘lâm günü kable’z-zuhr dükkânım önünde bana bi’l-muvâcehe mûcib-i ta‘zîr olur elfâzla şetm ve ırzımı hetk etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını Cafer Beşe b. Abdi ve Ahmed b. Mehmed nâm kimesneler şehâdetleriyle vech-i şer‘î üzere isbât etmeğin mûcebiyle mezbûr es-Seyyid Süleyman’a şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 8 min-Z sene 1205