Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 508 Hüküm no: 769 Orijinal metin no: [63a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Salih Ağa’nın borcunu ödemesi Ma‘rûz; Medîne-i Üsküdar’da Aşcıbaşı mahallesinde sâkine mu‘arrefetü’z-zât Emine bt. Mustafa nâm hatun medîne-i mezbûrede mahfil-i bâbda meclis-i şer‘-i hatîrde Mehmed Salih Ağa b. Fazlı nâm kimesne mahzarında târih-i i‘lâmdan dokuz ay mukaddem mezbûr Mehmed Salih Ağa’nın emriyle emlâkinden işbu hâzıratü bi’l-meclis Nefise bt. Mehmed nâm hatunun yediyle rehin olmak üzere Serez basması on iki yasdık ve üç mak‘adını bana teslîm ve mezbûr Mehmed Salih Ağa içün yedimden istidâne ve kabz eylediği [elli] bir guruş hakkımı mezbûr Salih Ağa’dan taleb ederim deyü ba‘de’d-da‘vâ ve’l-istintâ‘ [istintâk] ve’l-ikrâr mûcebiyle meblağ-ı merkūm elli bir guruşu ba‘de’l-edâ zikr olunan rihânı fekke mezbûr Mehmed Salih Ağa’ya tenbîh olunduğu bi’l-iltimâs huzûr-ı âlîlerine i‘lâm olundu. Fî 28 min-Za sene 1205