Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 510 Hüküm no: 773 Orijinal metin no: [63b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Panayot v. Aleksan’ın Luka v. Yani’ye olan borcunu ödemesi Ma‘rûz; Mahmiye-i İslâmbol’da Langa Yenikapısı’nda mütemekkin Luka v. Yani nâm zimmî medîne-i Üsküdar Bâb mahkemesinde meclis-i şer‘-i hatîrde Panayot v. Aleksan nâm zimmî muvâcehesinde târih-i i‘lâmdan iki sene mukaddem yedimden istidâne ve kabz ve umûruna sarfla istihlâk eylediği otuz guruş ve yedimde mülküm olup medîne-i mezbûreye tâbi‘ Kādı karyesinde vâki‘ yedimden istîcâr eylediği bir bâb şerbethâne kirâsından altı aylık otuz guruş ki cem‘an ciheteyn-i mezkûreteynden altmış guruş hakkım merkūm Panayot zimmî zimmetinde olmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle mecmû‘-ı meblağ-ı merkūm altmış guruşu müdde‘î-i merkūm Luka zimmîye edâsıyla merkūm panayot zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 7 min-Z sene 1205