Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 513 Hüküm no: 780 Orijinal metin no: [64a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tonya v. Yakoma’nın Mustafa b. Hasan tarafından dövüldüğü Ma‘rûz; Medîne-i Üsküdar’da Kefçe mahallesinde mütemekkin ber-vech-i âtî sağ kolunun dirseği üzerinden kara bere idüği ve bundan akdem lede’l-keşf ve’l-mu‘âyene zâhir olan duvarcı şâkirdi Tonya v. Yakoma nâm sagīr-i mümeyyiz medîne-i mezbûre mahkemesinde meclis-i şer‘-i hatîrde Mustafa b. Hasan nâm kimesne mahzarında mezbûr Mustafa târih-i i‘lâm günü medîne-i mezbûrede Salacak nâm mahâlde beni bi-gayrı hakkın amden değnek ile sağ kolum üzerinden darb ve kara bere etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını beyândan izhâr-ı acz birle bi’t-taleb mezbûr Mustafa’ya yemîn teklif olundukda yemînden nükûl etmeğin cerh-i mezkûrun mûcib-i şer‘îsini ber’-i tam husûlüne tevkīf olunduğu bi’l-iltimâs huzûr-ı âlîlerine i‘lâm olundu. Fî 13 min-Z sene 1205