Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 513 Hüküm no: 779 Orijinal metin no: [63b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Ağa’nın Hasan b. Hasan’ın evinden parasını çaldığı yolundaki iddiasını ispatlayamadığı Ma‘rûz; Medîne-i Üsküdar’da Kefçe mahallesinde sâkin Hasan Ağa b. Ali medîne-i mezbûrede mahfil-i bâbda meclis-i şer‘-i hatîrde diğer Hasan b. Hasan mahzarında mezbûr diğer Hasan mahalle-i mezbûrede vâki‘ menzilime muttasıl sâhib-i menzil hâlâ Ruscuk Kādısı Mehmed Emin Efendi nâm kimesnenin hizmetinde olmak takrîbiyle târih-i i‘lâmdan yirmi üç gün mukaddem hufyeten menzilime duhûl ve menzilim odasında sanduğum derûnunda mevcûd nakden iki bin iki yüz elli guruşumu ahz etmekle hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyân ve isbâta kādir olamayıp talebiyle mezbûr diğer Hasan gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr diğer Hasan’a bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 8 min- Zilhicce sene 1205