Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 522 Hüküm no: 799 Orijinal metin no: [65a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Abdullah’ın Kazer v. Ağdik’e olan borcunu ödemesi Ma‘rûz; Medîne-i Üsküdar’da Yenimahalle’de mütemekkin Kazer v. Ağdik nâm zimmî medîne-i mezbûrede mahfil-i bâbda meclis-i şer‘-i hatîrde Ahmed b. Abdullah nâm kimesne mahzarında mezbûr Ahmed târih-i i‘lâmdan bir ay mukaddem medîne-i mezbûre hâricinde Akyapı nâm mahâlde vâki‘ ma‘lûmü’l-hudûd ve’l-kıt‘a tarlalarında mezrû‘ ve hâsıl olan buğday ve şa‘irini biçmek içün yetmiş guruş ücret kavliyle beni istîcâr ve ben dahi mahsûlât-ı mevcûdesini biçip müstehak olduğum ecr-i müsemmâmdan elli yedi guruşunu yedinden ahz ü kabz, on üç guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm on üç guruşun edâsıyla mezbûr Ahmed ilzâm olunduğu bi’l-iltimâs huzûr-ı âlîlerine i‘lâm olundu. Fî 20 min-Z sene 1205