Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 524 Hüküm no: 802 Orijinal metin no: [65b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bağcı Mehmed’in Ahmed b. Mehmed’e olan borcunu ödemesi Ma‘rûz; Medîne-i Üsküdar’da Vâlide-i Atik mahallesinde sâkin Ahmed b. Mehmed nâm kimesne medîne-i mezbûrede meclis-i şer‘-i hatîrde Yağcı Mehmed b. İsmail nâm kimesne mahzarında târih-i i‘lâmdan dokuz sene mukaddem medîne-i mezbûre hâricinde Acıbâdem nâm mahâlde vâki‘ ma‘lûmü’l-hudûd tahmînen on sekiz dönüm mikdârı bir kıt‘a kürûmu bağımı yüz yirmi guruşa mezbûr Mehmed’e bey‘ u teslîm ol dahi ba‘de’l-iştirâ meblağ-ı merkūmun yetmiş beş guruşu yedinden ahz ve kırk beş guruşu mezbûr Mehmed zimmetinde bâkī kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm kırk beş guruşu müdde‘î-i mezbûr Ahmed’e edâsıyla mezbûr Mehmed ilzâm olunduğu bi’l-iltimâs huzûr-ı âlîlerine i‘lâm olundu. Fî 21 min-Z sene 1205