Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 526 Hüküm no: 806 Orijinal metin no: [65b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin’in Abdullah b. İbrahim’i değnek ile döverek yaraladığı Ma‘rûz; Medîne-i Üsküdar’a tâbi‘ Bulgurlu karyesi ahâlisinden olup ber-vech-i âtî sol yanağından değnek yarasıyla mecrûh ve gözünün etrâfı kara bere idiği bundan akdem lede’l-keşf ve’l-mu‘âyene zâhir olan Abdullah b. İbrahim meclis-i şer‘-i hatîrde Mehmed Emin b. İsmail mahzarında mezbûr Mehmed Emin târih-i i‘lâmdan iki gün mukaddem karye-i mezbûrede bi-gayrı hakkın değnek ile sol yanağım üzerinden darb ve şec ve gözümün etrâfını kara bere etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-ikrâr şecc-i mezkûr ile zikr olunan kara berenin mûcib-i şer‘îsi ber’-i tam husûlüne tevkīf olunduğu bi’l-iltimâs huzûr-ı âlîlerine i‘lâm olundu. Fî 12 min-Zilhicce sene 1205