Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 525 Hüküm no: 805 Orijinal metin no: [65b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. İbrahim’in İsmail ve ortağı Hasan’dan alacaklı olduğu yolundaki iddiasını ispatlayamadığı Ma‘rûz; Medîne-i Üsküdar’da Büyükiskele kurbünde sâkin Hüseyin [b.] İbrahim nâm kimesne medîne-i mezbûrede mahfil-i bâbda meclis-i şer‘-i hatîrde es-Seyyid İsmail b. el-Hâc Memiş ve şerîki Hasan b. Mehmed nâm kimesneler mahzarında mezbûrân es-Seyyid İsmail ve Hasan târih-i i‘lâmdan beş ay mukaddem beher keyli birer guruşa olmak üzere yedimden iştirâ ve kabz eyledikleri yüz altmış bir keyl şa‘îr semeninden yüz altmış bir guruş hakkımın yüz otuz guruşunu yedlerinden ahz ü kabz, otuz bir guruşu zimmetlerinde bâkī kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını beyân ve isbâta kādir olamayıp tahlîfe dahi tâlib olmamağla mûcebiyle müdde‘î-i mezbûr husûs-ı mezkûrda mezbûrân es-Seyyid İsmail ve Hasan’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî-gurrei Z sene 1205