Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 436 Hüküm no: 460 Orijinal metin no: [104b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kıptî Bobine v. İstoyko’nun kızı Saltana’yı evlenmek için kaçıran Moşile’nin iddiasını ispatlayamadığı Ma‘rûz. Kıbtiyân tâifesinin zâbitleri Yusuf Bey mübâşeretiyle Bâb Mahkemesi’ne ihzâr olunan Moşile v. Balaban nâm Ermeni Kıbtiyûn hasmı Bobine v. İstoyko nâm Ermeni Kıbtî meclis-i şer‘de medîne-i İznikmid’e tâbi‘ Mihaliç karyesi kurbünde vâki‘ dağda ıyâlim ile sâkin olduğum hâlde yirmi gün mukaddem mezbûr Moşile rüfekāsıyla çergemi basıp sagīre kızım işbu Saltana’yı cebren ve bi-gayr-ı hakkın ahz ve firâr etmeleriyle taleb ederim deyü da‘vâ eylediğinde mezbûr Moşile cevâbında sagīre-i mezbûreyi teze[vv]üce tâlib olduğumda rızâsıyla bana teslîm ve murâd ettiğin mahalde kendiye akd ve tezvîc eyle deyü izin vermekle ben dahi ismi ma‘lûmum olmayan imâm ve cemâ‘at ma‘rifetleriyle kendime akd ve tezvîc eyledim deyü ba‘de’d-def‘ ve’l-inkâr mezbûr Moşile’den def‘-i mezkûruna beyyine taleb olundukda ityân-ı beyyineden izhâr-ı acz ile istihlâf ettikde mezbûr Bobine tahlîf-i şer‘î ile ba‘de’t-tahlîf mûcebince merkūm Moşile bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 29 Safer sene [1]143.